top of page

Ons program

Waar elke dag vol speel, ontdek, leer en groei is!

​

By Junior Akademie glo ons dat kinders die beste leer wanneer hulle veilig, geliefd en geborge voel. Ons Speel-en-Leer-program volg die ELDA-riglyne en bied ouderdomstoepaslike aktiwiteite wat elke kind se ontwikkeling op ’n natuurlike, betekenisvolle en prettige manier ondersteun.

Ons fokus op die ontwikkeling van die hele kind – emosioneel, sosiaal, fisiek en kognitief. Elke klas se dagprogram is sorgvuldig saamgestel om ’n gesonde balans tussen gestruktureerde aktiwiteite, vryspel, ontdekking, etes en rus te skep.

​

Verrykingsprogramme as deel van ons kurrikulum

By Junior Akademie glo ons dat kinders op verskillende maniere leer en ontwikkel. Daarom vorm ons weeklikse Robotixkids- en musiekprogramme deel van ons kurrikulum. Hierdie aktiwiteite bied ons maatjies die geleentheid om op 'n prettige en ouderdomsgepaste manier nuwe vaardighede te ontdek en te ontwikkel.

 

Robotixkids – Dolfyne 🐬

Ons Dolfyne neem elke Woensdagoggend deel aan Robotixkids, wat deur Future Kids Academy by Junior Akademie aangebied word.

Hierdie program stel ons Dolfyne op 'n speelse manier bekend aan tegnologie, logiese denke, probleemoplossing en kreatiwiteit. Deur praktiese aktiwiteite word kinders aangemoedig om self te ontdek, te eksperimenteer en nuwe oplossings te vind.

Robotixkids vorm deel van ons Dolfyne se weeklikse kurrikulum.

 

Musiek met “Oupa” Roland 🎢

Elke Vrydagoggend word ons maatjies van die Bytjies tot die Dolfyne met 'n heerlike musiekles deur ons geliefde “Oupa” Roland bederf.

Deur sang, ritme, beweging en musiekspeletjies ontwikkel kinders hul luistervaardighede, koördinasie, konsentrasie en selfvertroue.

Ons weeklikse musiekprogram vorm ook deel van Junior Akademie se kurrikulum.

By Junior Akademie leer ons nie net met ons koppies nie, maar ook met ons handjies, lyfies en hartjies!

​

 

​​Ons dagprogramme per klas

Elke ouderdomsgroep volg ’n dagprogram wat by hul unieke ontwikkelingsbehoeftes en roetine aansluit.

Klik op jou kleuter se klas om die volledige dagprogram te besigtig of af te laai.

​

  • 🐻 Beertjies – 4 tot 14 maande​​​

​​

  • 🐧 Pikkewyne – 14 tot 24 maande​

​​

  • 🐝 Bytjies – 2 jaar​

​​

  • 🐰 Hasies – 3 jaar​

​​

  • πŸ¦‹ Skoenlappers – 4 jaar​

​​

  • 🐬 Dolfyne – 4 tot 5 jaar​

​​

By Junior Akademie is elke dag ’n nuwe geleentheid om met liefde te leer en met vreugde te groei!

​

JuniorAkademie40.JPG

Buitemuurse aktiwiteite

Nog meer geleenthede vir klein maatjies om hul talente te ontdek!

By Junior Akademie glo ons dat elke kind unieke belangstellings en talente het. Daarom bied ons verskeie buitemuurse aktiwiteite aan wat ons maatjies die geleentheid gee om nuwe vaardighede te ontdek, selfvertroue te bou en sommer baie pret te hê!

Ons buitemuurse aktiwiteite

  • Kinderkinetika

  • Dance Mouse

  • Karate

  • Rugby

  • Sokker

  • Krieket

  • Netbal

  • Playball

  • Monkeynastix

  • A+ Students

  • Little Readers

 

Hoe werk dit?

Ons buitemuurse aktiwiteite word deur onafhanklike diensverskaffers aangebied en is opsioneel.

Aan die begin van die jaar kry ons maatjies die geleentheid om tydens demonstrasies kennis te maak met die verskillende aktiwiteite.

Die beskikbare aktiwiteite, aanbieders se besonderhede en relevante inligting word via d6 Connect met ouers gedeel.

Ouers registreer hul kinders direk by die betrokke diensverskaffers en tref ook betalingsreëlings direk met hulle.

By Junior Akademie glo ons dat elke nuwe ervaring 'n geleentheid is om te leer, te groei en met selfvertroue die wêreld te ontdek!

bottom of page